بیوگرافی احمد محسن پور
احمد محسن پور
اطلاعات هنرمند
واقعی نوماحمد محسن پور قادی کلایی
بزائن۱ اسفند ۱۳۲۴
قائمشهر
اصالت/ملیت ایرانی
بمردن۳۰ دی ۱۳۹۴
سبکها
فعالیت(ئون)نوازنده
ناشر(ون)
نقشهای
مرتبطگروه موسیقی شواش
سازهای برجسته
للـهوا، کمونچه
احمد محسن پور قادی کلایی، موسیقی دون و آهنگساز و نوازنده، یکم اسفند ۱۳۲۴ قائم شهر (شاهی) گت قادیکلای درون به دنیا بیمو. وچگی گدر «لَلـهوا» ره شه پیر جا یاد بئیته و با وجود اینکه نابینا بیه فلوت و نی لبک ره هم شه پشتکار و تلاش جا یاد بئیته.
سال ۱۳۴۴ دله وقتی ونه رفقون ونه تولد وسه ویولون هدیه بئیتنه، اته کم «نور محمد طالبی» پلی و بعداً هنرستون دله صبای ردیف ره یاد بئیته. با این وجود کمونچه به خاطر محلی بیین انتخاب هاکرده.
وه سال ۵۳ - ۱۳۵۲ دله رادیو ساری محلی گروه عضو بَییه و سال ۱۳۵۴ دله مازرون فرهنگ و هنر ملی ارکستر ره ملحق بَییه. سال ۱۳۵۶ دله فرهنگ و هنر اداره ره محلی موسیقی گروه سرپرست بَییه، تا سال ۱۳۵۷ ادامه هدائه.
وه سال ۱۳۶۴ دله با وجود کشور موسیقی وضعیت نابسامونی، تصمیم بئیته که مازرون فرهنگ خنه ره تاسیس هاکنه تا بتونده مازرون موسیقی ره آموزش و حفظ و نشر هاده و ونه درباره پژوهش هاکنه.
محسن پور مازرونی موسیقی احیای وسه خله زحمت بکشیه و تاسا صدو سی ساعت مازرون مختلف نواحی موسیقی، تحت نظر وه گردآوری بَییه. همچنین با په بیشتن «شواش» موسیقی گروه، مازنی موسیقی ره سرتاسر ایران درون معرفی هاکرده.
اینتا محلی موسیقی استاد دی ماه ۹۴ ریه سرطان وسه شه زادگاه درون بمرده.
روحش شاد و یادش گرامی
برچسب : نویسنده : ctaajee بازدید : 224